(E plotësuar)
Qindra veteranë të luftës së UÇK-së po qëndrojnë para dyerve të Qeverisë së Kosovës, ku po kërkojnë publikimin e plotë të listave të veteranëve.
Ata u kanë dhënë një javë kohë institucioneve që t’i publikojnë këto lista, në të kundërtën thonë se protestat e radhës do të jenë të dhunshme.
Ata po ashtu kanë kërkuar që sa më parë të zbatohet ligji për veteranët dhe mos të ketë vonesa. Për sot nuk kanë paraparë ndonjë aksion, vetëm qëndrim para qeverisë së Kosovës të ua bëjnë me dije se nëse nuk reflektojnë karshi kërkesave të tyre, nuk mbajnë më përgjegjësi për veprimet e tyre.
—
Qindra veteranë janë mbledhur para ndërtesës së Qeverisë, të cilët pritet të fillojnë protestën, ku kërkesë kryesore e kanë publikimin sa më të shpejtë të listave të kategorive të dala nga lufta e ÇK-së. Derisa pritet që në çdo moment të filloj protesta, policia në anën tjetër e ka rrethuar objektin e qeverisë së Kosovës.
Protestën e ka organizuar nga Këshilli për Mbrojtjen e Luftëtarëve të UÇK-së, në krye me Xhevdet Qeriqin.
Publikimi i listave në disa Zona Operative, ka shfaqur pakënaqësi të shumta.
