Artim Shaqiri nuk arrin ta gëlltisë humbjen ndaj Tiranës jo më tepër për rezultatin se sa për lojën e treguar..
Fitore e merituar për Tiranën e Gugash Maganit, i cili shkëput vetëm mendime pozitive për 90 minutëshin e “Niko Dovanës”. Për teknikun peqinas, skuadra e kaloi me sukses këtë test pas një jave të vështirë që rriti ndjeshëm presionin në grup.
“Kemi kaluar një javë me probleme dhe presioni pas humbjes në Korçe ishte shume i madh. Janë shumë faktorë që kanë qenë në disavantazhin tonë por ne besonim por dhamë gjithçka në fushë dhe e merituam fitoren. Nëse do ishim pak më të qetë ndeshja mund të përfundonte me rezultat edhe më të thellë”.
Me Bushiç protagonist Tirana shkëlqen dhe trajneri shtrëngopn sulmuesin ndaj të cilit ka besuar vazhdimisht edhe pse golat për kroatin kanë qenë më pikatore.
“Gjatë gjithë kohës kam besuar te Bushic. Zgjedhja e parë ne vere ishte Gilberto por Bushiç është një lojtar serioz dhe profesionist. Kritikat ishin normale por e rëndësishme është që u zhbllokua”.
Ndërkohë, Artim Shaqiri nuk arrin ta gëlltisë humbjen ndaj Tiranës jo më tepër për rezultatin se sa për lojën e treguar nga skuadra e tij. Në mikrofonin e SuperSport, tekniku maqedonas kritikoi ekipin e tij për mënyrën se si e interpretoi pjesën e dytë.
“Jam i zhgënjyer me pjesën e dytë sepse në të parën patëm edhe ne rastet tona. Pas golit të parë ndeshja mori një drejtim tjhetër”.
Në vijim, ai kërkon të hedhë pas krahëve këtë disfatë, duke theksuar se kampionati do të jetë i luftuar deri në fund.
“Një barazim do të ishte shumë pozitiv për ne por në një ndeshje nuk mund të futesh për një barazim. Nuk e prisja që skuadra të luante në këtë mënyrë pjesën e dytë por tani duhet të mendojmë për ndeshjen e radhës sepse kampionati nuk është mbyllur dhe faza e katërt do të jetë vendimtare”./supersport.al/
