Janë publikuar disa fotografi të cilat thuhet se tregojnë “fshatin fantazmë” ndërtesat e shkatërruara të cilat dikur shërbenin si vendpushime të epokës sovjetike.

Sipas mediave të huaja, përcjell Telegrafi, në vitet 1920, Tskaltubo, në perëndim të Gjeorgjisë qendrore, ishte një qytet i lulëzuar i famshëm për burimet e saj termike.

“Ujërat e pavdekësisë” që rrinin lart nga toka besoheshin se posedonin veti shëruese për më shumë se një mijë vjet.

Madje, si pjesë e një programi të detyrueshëm të financuar nga shteti, qytetarëve iu dhanë edhe kuponë për të vizituar këtë ndërtesë.

Nga vitet e 50-ta, Tskaltubo ishte bërë një vendpushim i rëndësishëm, duke shërbyer mijëra vizitorë nëpër nëntë shtëpi banje dhe 19 sanatoriume si hotel.

Madje, një nga shtëpitë banjë u ndërtua vetëm për Jozef Stalinin.

Por, pasi Bashkimi Sovjetik u shkatërrua në fillim të viteve ’90, rruga e vizitorëve socialistë filloi të “zbehej”.

Edhe pse disa nga “banjot” janë ende funksionale, shumë prej ndërtesave dikur të shfrytëzueshme u lanë të “mbrohen” nga koha dhe natyra.

Kështu fotografi Roman Robroek mori aparatin e tij dhe mori disa pamje nga një vizitë në një vizitë në vendpushimin dikur aktiv.

Sipas mediave, 31-vjeçari tha: “Zona është unike për shkak të faktit se banjot kanë ujë të pandërprerë. Prandaj, ajo vazhdimisht rifreskohet dhe nuk humbet kurrë temperaturën e saj prej 33 deri në 35C. Shumë prej sanatoriumeve që lulëzonin 50 vjet më parë, tani janë braktisur dhe duke u shkatërruar”.

Sipas tij, në një nga oborret e gjera të sanatoriumit, pemët dhe gjethe të tjera, pothuajse kanë kapërcyer hapësirën, me rrënjë që rrjedhin nga tulla të përpunuara.

Por ndërtesat nuk janë plotësisht të braktisura.

Pas rënies së Bashkimit Sovjetik, një konflikt i përgjakshëm midis forcave qeveritare të Gjeorgjisë dhe separatistëve të mbështetur nga Rusia në rajonin e Abkhazisë, panë mijëra refugjatë që iknin nga shtëpitë e tyre.

Shumë prej tyre gjetën këto hapësira, dhe i bënë ata shtëpinë e tyre. /Telegrafi/