Drejtoria për Bujqësi, Pylltari dhe Hidroekonomi në Pejë ka apeluar te pronarët e qenve që të mos i lëshojnë kafshët e tyre të lira në hapësira publike dhe të mos pengojnë ekipet që janë duke realizuar aktivitetet në terren për menaxhimin e qenve endacakë.
Përmes një njoftimi të publikuar në facebook, kjo drejtori ka bërë të ditur se kompania e kontraktuar për trajtimin dhe menaxhimin e qenve endacakë është duke zhvilluar aktivitetet e parapara në terren.
Me këtë rast, pronarëve të qenve u është kërkuar që të bashkëpunojnë me ekipet e angazhuara dhe të shmangin çdo pengesë gjatë punës së tyre.
“Drejtoria për Bujqësi njofton të gjithë qytetarët se kompania e kontraktuar për trajtimin dhe menaxhimin e qenve endacakë është duke realizuar aktivitetet e saj në terren.
Me këtë rast, kërkojmë nga pronarët e qenve që të mos pengojnë punën e ekipit të angazhuar, që qentë mos t’i lëshojnë të lirë në hapësira publike”, thuhet në njoftim
