Ish-gjyqtarja Valdete Daka ka folur për situatën politike dhe kushtetuese në vend, duke u shprehur se aktualisht nuk ka më dilemë nëse Kosova ndodhet apo jo në shkelje kushtetuese.
Daka tha se shkelja kushtetuese, sipas saj, ka nisur më 6 gusht, kur Kuvendi është dashur të konstituohet.
“A jemi në shkelje kushtetuese? Po, s’ka më fare dilemë. E din gjithkush. Jemi në shkelje që nga data 6 gusht, kur është dashur të konstituohet Kuvendi. Çdo vendim që merret pas asaj date është marrë në shkelje kushtetuese”, deklaroi Daka.
Ajo u shpreh edhe për rolin e Gjykatës Kushtetuese në këtë situatë, duke theksuar se çështja e konstituimit të Kuvendit tashmë është trajtuar nga kjo gjykatë.
“Gjykata Kushtetuese s’ka çka të thotë për konstituimin e Kuvendit, ajo çështje është e gjykuar”, tha Daka.
