Ushtruesja e detyrës së Presidentes së Kosovës, Albulena Haxhiu, ka thënë se marrëveshja ndërmjet Lëvizjes Vetëvendosje dhe Lidhjes Demokratike të Kosovës duhet të përmbyllet sa më parë, duke e vlerësuar atë të rëndësishme për ecjen përpara të vendit, raporton Ekonomia Online.
Pas takimit të mbrëmshëm ndërmjet kryetarit të LVV-së, Albin Kurti, dhe kryetarit të LDK-së, Lumir Abdixhiku, Haxhiu ka theksuar rëndësinë e arritjes së marrëveshjes.
“Unë uroj që marrëveshja të përmbyllet sa më parë, për shkak se është shumë e rëndësishme që të ecim përpara”, tha Haxhiu.
Ajo ka theksuar se Kosova ka përpara një sërë përgjegjësish dhe reformash që duhet të vazhdohen, duke veçuar edhe obligimet në proceset integruese.
“Le të shpresojmë që kjo javë që po vjen të jetë vendimtare për këtë proces të rëndësishëm”, deklaroi Haxhiu.
