Deputeti i Aleancës, Burim Ramadani, ka thnëë se zyrtarët shtetërorë pas sulmit në Banjaska kanë shkuar në Serbi.
Ai ka thënë se mund të manipulojnë me fjalë, por e vërteta është kjo.
Deklarata e Ramadanit vjen pasi Trainkos dhe më pas ministrja në detyrë e Ekonomisë, Artane Rizvanolli reaguan duke thënë se “tenderin ia dhanë një kompanie vendore”.
“Zyrtarë shtetëror kanë shkuar në Serbi pas sulmit në Banjskë. Kjo është e tmerrshme. Pikë Bëni manipulime e lojë fjalësh sa të doni për të mashtruar njerëzit, sikurse e keni zanat. Por, një gjë është me dëshmi: Pas sulmit në Banjskë, pas vrasjes së heroit Afrim Bunjaku, ju keni shkuar në Serb”.
“Çka ka më të qartë se kaq?! Serbia është shtet armiqësor. Ka sulmuar Kosovën më 24 shtator 2023, përmes Grupit Paramilitar. Ju pas kësaj keni shkuar në Serbi! Këtë as s’po tentoni ta mohoni”, ka thënë ai.
