Prokuroria Themelore në Prishtinë ka ndaluar për 48 orë dy persona me inicialet A.D. dhe L.D., nën dyshimin se kanë kryer veprat penale “Lëndimi i rëndë trupor”, “Mbajtja në pronësi, kontroll ose posedim të paautorizuar të armëve” dhe “Kanosja”.
Sipas Prokurorisë, rasti lidhet me një ngjarje të ndodhur më 23 mars 2026 në Prishtinë, ku i dëmtuar ka mbetur një zyrtar i Inspektoratit Policor të Kosovës (IPK).
Prokuroria bën të ditur se pas paraqitjes së të dyshuarve në Policinë e Kosovës dhe sigurimit të provave, Prokurori i Shtetit ka nxjerrë aktvendim për ndalimin e tyre për 48 orë.
Hetimet për rastin janë duke vazhduar në bashkëpunim me Policinë e Kosovës, me qëllim të zbardhjes së plotë të të gjitha rrethanave të ngjarjes.
Sqarim:
Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!
© infosot.com
