Nënkryetari i Lidhja Demokratike e Kosovës, Lutfi Haziri, ka deklaruar se vendi po përballet me kriza politike dhe institucionale, duke theksuar nevojën që sa më shpejt të themelohen institucionet e Republikës së Kosovës.
Duke komentuar mundësinë e një koalicioni mes Lëvizja Vetëvendosje dhe LDK-së, Haziri tha se partia e tij është e gatshme për bashkëpunim, por jo pa respektim të parimeve politike.
Sipas tij, LDK-ja po ofron një formulë për stabilitet institucional, ndërsa roli i saj aktual në opozitë buron nga rezultati zgjedhor i 7 qershorit.
“Ne jemi në opozitë si LDK sepse vota e 7 qershorit na e ka dhanë rolin tonë”, tha Haziri.
Ai shtoi se LDK-ja nuk ka ndërmend të hyjë në një qeverisje pa parime, por theksoi se bashkëpunimi me këtë parti mund të sjellë rezultate pozitive.
“Me neve ke mundësi me bashkëpunu, dhe kushdo ka bashkëpunu ka dalë mirë”, deklaroi Haziri./Gazeta10
