Dogana e Kosovës përmes një njoftimi për medie ka bërë të ditur se me vendimin e kryeministrit të Kosovës, Isa Mustafa, është emëruar si ushtrues detyre i drejtorit të përgjithshëm të Doganës, Fahri Gashi.
“Gashi do të mbajë këtë pozitë deri në përfundimin e procedurave të përzgjedhjes së drejtorit të përgjithshëm sipas Kodit Doganor”, thuhet në njoftimin e Doganës.
Përndryshe, ushtruesi i detyrës është oficer karriere me përvojë mbi 15 vjet në Doganën e Kosovës, ku ka ushtruar funksione të rëndësishme, derisa para emërimit ishte udhëheqës rajonal i Drejtorisë së regjionit të Podujevës.
