Me rastin e 27-vjetorit të çlirimit të Dardanës, ish-komandanti i UÇK-së për Zonën Operative të Karadakut, Ahmet Isufi, ka bërë homazhe në Kompleksin e Varrezave të Dëshmorëve të Kombit, ku janë vendosur buqeta me lule në nderim të të rënëve për liri.
Isufi theksoi se sakrifica e dëshmorëve dhe martirëve bëri të mundur që qytetarët sot të gëzojnë lirinë, duke vlerësuar gjithashtu mbështetjen e bashkësisë ndërkombëtare, në veçanti të Shtetet e Bashkuara të Amerikës dhe vendeve të NATO, që sipas tij përshpejtuan fitoren dhe ndalën vuajtjet e popullit shqiptar gjatë luftës.
“Lavdi e përjetshme të rënëve për liri të Atdheut! Urime Dita e Çlirimit, qytetarë të Dardanës”, ka shkruar Isufi në mesazhin e tij për këtë përvjetor.
Sqarim:
Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!
© infosot.com
