Lajmet

AIP: Fakulteti Juridik po regjistronte profesorë e studentë në kundërshtim me ligjin, urdhërohet fshirja e incizimeve

17.06.2026 07:55
Rreshtat+- AShkronjat+- Print
AIP: Fakulteti Juridik po regjistronte profesorë e studentë në kundërshtim me ligjin, urdhërohet fshirja e incizimeve

Agjencia për Informim dhe Privatësi (AIP) ka urdhëruar Fakultetin Juridik në Prishtinë që të largojë kamerat e vendosura në sallat e ligjërimit dhe të fshijë të gjitha incizimet e mbledhura deri më tani, pasi ka konstatuar se sistemi i vëzhgimit ishte instaluar në kundërshtim me Ligjin për Mbrojtjen e të Dhënave Personale. raporton Infosot.

Vendimi është nxjerrë më 21 maj 2026, pas një inspektimi të kryer nga AIP pas pranimit të një ankese lidhur me vendosjen e kamerave në hapësirat ku zhvillohen ligjëratat.

Sipas gjetjeve të inspektimit, në “Amfiteatrin e Madh” ishin vendosur nëntë kamera, prej të cilave shtatë nuk ishin aktive, ndërsa në “Amfiteatrin e Vogël” ishte funksionale një kamerë tjetër. Agjencia ka konstatuar se fakulteti nuk kishte dokumentacion të mjaftueshëm për mënyrën e funksionimit të sistemit, nuk kishte përcaktuar afatin e ruajtjes së incizimeve dhe nuk kishte caktuar person përgjegjës për mbikëqyrjen e sistemit.

Po ashtu, gjatë inspektimit është vërejtur se mungonin edhe tabelat njoftuese që informojnë studentët dhe stafin për praninë e kamerave. Sipas fakultetit, ato ishin larguar gjatë renovimit të objektit, por nuk ishin rivendosur.

Në arsyetimin e vendimit, AIP thekson se vëzhgimi me kamera përbën përpunim të të dhënave personale dhe mund të lejohet vetëm kur ekziston nevoja për sigurinë e njerëzve, mbrojtjen e pasurisë ose të informacionit konfidencial dhe kur këto qëllime nuk mund të arrihen me mjete më të lehta.

Megjithatë, gjatë procedurës së inspektimit, Fakulteti Juridik nuk ka arritur të dëshmojë se në sallat e ligjërimit ekziston ndonjë rrezik potencial ndaj stafit apo pasurisë që do ta arsyetonte vendosjen e kamerave.

Agjencia ka shkuar edhe më tej në arsyetim, duke iu referuar praktikës së Gjykatës Evropiane për të Drejtat e Njeriut, sipas së cilës amfiteatrot universitare konsiderohen vende pune të mësimdhënësve dhe mbikëqyrja me video në këto hapësira përbën ndërhyrje në jetën private të tyre.

“Amfiteatrot universitare janë vendet e punës së mësimdhënësve. Ato janë hapësira ku ndërtohen marrëdhënie profesionale dhe sociale mes profesorëve dhe studentëve”, citohet në vendim nga praktika e Gjykatës Evropiane për të Drejtat e Njeriut.

Për këtë arsye, AIP ka urdhëruar Fakultetin Juridik që të largojë kamerat nga sallat e ligjërimit, të fshijë të gjitha incizimet e grumbulluara deri në ditën e pranimit të vendimit dhe që çdo formë e ardhshme e vëzhgimit me kamera të realizohet në përputhje me dispozitat ligjore.

Fakulteti Juridik obligohet që brenda 30 ditëve të zbatojë vendimin dhe të njoftojë Agjencinë për veprimet e ndërmarra.

Ndonëse kundër këtij vendimi nuk lejohet ankesë, institucioni ka të drejtë të iniciojë konflikt administrativ në Gjykatën Themelore në Prishtinë. Megjithatë, procedura gjyqësore nuk e pezullon ekzekutimin e vendimit të Agjencisë.

Sqarim: Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!
© infosot.com


Daut Haradinaj për Jakup Krasniqin: Do ta ndaja një pjesë të jetës për të të zëvendësuar, Baca Jakup

Daut Haradinaj për Jakup Krasniqin: Do ta ndaja një pjesë të jetës për të të zëvendësuar, Baca Jakup

Kapet një polic në Kllokot, IPK zbulon dyshimet e para për rastin

Kapet një polic në Kllokot, IPK zbulon dyshimet e para për rastin

Në ditën e tretë, Jakup Krasniqi përfundon vizitën në shtëpinë e tij në Prishtinë

Në ditën e tretë, Jakup Krasniqi përfundon vizitën në shtëpinë e tij në Prishtinë

Mblidhet PDK, Çitaku: Javën e ardhshme vijnë strategjia shtetërore për apelin dhe iniciativa e re ligjore për Specialen

Mblidhet PDK, Çitaku: Javën e ardhshme vijnë strategjia shtetërore për apelin dhe iniciativa e re ligjore për Specialen

Isni Kilaj tregon se shujtat në Hagë ua kanë sjellë të ngrira

Isni Kilaj tregon se shujtat në Hagë ua kanë sjellë të ngrira

Kurti: Bashkëpunimi me sektorin privat, domosdoshmëri ekonomike e shtetërore

Kurti: Bashkëpunimi me sektorin privat, domosdoshmëri ekonomike e shtetërore

Kuvendi drejt seancës së re, Kryesia mblidhet më 23 nëntor

Kuvendi drejt seancës së re, Kryesia mblidhet më 23 nëntor

Presidentja takohet me ambasadoren suedeze, flasin për sundimin e ligjit

Presidentja takohet me ambasadoren suedeze, flasin për sundimin e ligjit

Tre persona dënohen me nga 7 vjet burgim për trafikim të narkotikëve në Prishtinë, dy të tjerë lirohen nga akuza

Tre persona dënohen me nga 7 vjet burgim për trafikim të narkotikëve në Prishtinë, dy të tjerë lirohen nga akuza

Musliu-Shoshi për buxhetin e 2027-s: Qytetarët duan projekte, jo shifra e premtime

Musliu-Shoshi për buxhetin e 2027-s: Qytetarët duan projekte, jo shifra e premtime

Lista Studentore synon t’i rishqyrtojë marrëveshjet me Kosovën, BE-ja thotë se Serbia duhet t’i zbatojë

Lista Studentore synon t’i rishqyrtojë marrëveshjet me Kosovën, BE-ja thotë se Serbia duhet t’i zbatojë

Haziri: Ndasia e 31 janarit po i kushton LDK-së, pasojat u reflektuan edhe në zgjedhjet e 7 qershorit

Haziri: Ndasia e 31 janarit po i kushton LDK-së, pasojat u reflektuan edhe në zgjedhjet e 7 qershorit

Raporti i UNICEF-it: Fëmijët në Kosovë ushqehen me produkte jo të shëndetshme, pijet energjike shqetësim në rritje

Raporti i UNICEF-it: Fëmijët në Kosovë ushqehen me produkte jo të shëndetshme, pijet energjike shqetësim në rritje

Haxhiu prezanton projektplanin e Agjendës Parlamentare për Çështje të Grave dhe Barazi Gjinore 2027–2030

Haxhiu prezanton projektplanin e Agjendës Parlamentare për Çështje të Grave dhe Barazi Gjinore 2027–2030

Paraburgoset Rrahman Hoti për rastin e rëndë që ndodhi të mërkurën në Suharekë

Paraburgoset Rrahman Hoti për rastin e rëndë që ndodhi të mërkurën në Suharekë

Kosova dhe BE-ja mbajtën takimin e tetë për çështjet ekonomike, financiare dhe statistikat

Kosova dhe BE-ja mbajtën takimin e tetë për çështjet ekonomike, financiare dhe statistikat