Grupi i ashtu quajtur ‘Rugovasit’ janë paraqitur sërish. Përmes një emaili që ua kanë përcjellë disa mediave, ky grup anonim thonë se kanë vendosur një mjetë shpërthyes – predhë – tek varrezat e kryeqytetit në Dragodan (ish-Arbëri). Përmes këtij veprimi, ‘Rugovasit’ kanë kërcënuar Kryeministrin Isa Mustafa dhe deputetët që të mos guxojnë t’a kthejnë në Kuvend Demarkacionin.

“Isa Putini po tenton me kthy demarkacionin. I bojm thirrje mos me gabu me kthy. jo rasisht te vorret ne Prishtine e kem lon ni predhe, te prroni ne jug te vorreve. I bojm thirrje edhe gjithe deputetve mos me gabu mifal tokat tona”, shkruhet në emalinin që e ka pranuar edhe Gazeta Express.

Gazeta Express ka kontaktuar Policinë e Kosovës për alarmin për mjet shpërthyes që e kanë dhenë ky grup, mirëpo zyrtarët e PK’së nuk kanë qenë ende në dijeni për një rast të tillë.

Ndryshe, muajin e kaluar Policia e Kosovës kishe arrestuar gjashtë aktivistë lë Lëvizjes Vetëvendosje të dyshuar për sulmin me zollë të Gushtit të këtij viti në Objektin e Kuvendit të Kosovës. Në mesin e të arrestuarve janë edhe zëdhënësi i kësaj partie Frashër Krasniqi dhe mbesa e kryetarit Visar Ymeri, Adea Batusha.

Pikërisht, këta dy të dyshuar, që aktualisht janë në arrest shtëpiak, sipas gjetjeve të Policisë, pas sulmit në Kuvend, të nesërmen, përmes një telefoni që u ble nga Adea Batusha në treg të zi, nisen një email me të njëjtin emër ‘Rugovasit’ përmes të cilit kërcënonin se sulmet e tilla nuk do të ndaleshin deri në shfuqizimin e marrëveshjes së Kosovës me Malin e Zi.

Policia, pretendonte, se bazuar në IP adresat që ka gjetur, ka arritur ta verifikojë se banesa a e zëdhënësit Frashër Krasniqi ka qenë lokacioni nga ku u dërgua emali nga grupi ‘Rugovasit’.

Madje, këto veprime, me mjete shpërthyese, janë cilësuar si terroriste nga autoritetetev.