Mediat serbe kanë reaguar menjëherë pas miratimit të Ligjit për Trepçën nga Kuvendi i Republikës së Kosovës mbrëmë pas mesnate.

Ato në shkrimet e publikuara në mëngjesin e sotëm kanë përshkruar punën disa orëshe të Kuvendit, seancë e cila u përcoll me disa ndërprerje dhe kritika.

Portali më i madh serb, B92, shkruan që deputetët e Kuvendit të Kosovës kanë aprovuar sot herët në mëngjes këtë ligj i cili, sipas portalit, “kontrabandua” në orët e hershme të mëngjesit pa praninë e deputetëve të Listës Serbe, transmeton Indeksonline.

Ndërsa, RTS, portal ky i Televizionit të Serbisë dhe ndër më të lexuarit në Serbi raporton se sot Marko Gjuriq do të mbaj një konferencë të jashtëzakonshme, gjatë së cilës do të flas për këtë ligj i cili nuk u mbështet nga Lista Serbe në Kuvend. /Indeksonline/