Arrest me burg ka vendosur Gjykata e Korçës për 17-vjeçarin Fabjan Muçllari i cili akuzohet për vrasjen e 18-vjeçarit Fabio Hila, pas një konflikti të nisur në Facebook për një vajzë.
Vendimi u mor në një seancë gjyqësore të mbajtur gjatë ditës së sotme ku i pranishëm në sallë ishte vetëm babai i 17-vjeçarit të akuzuar. Muçllari i cili e ka prnauar krimin e rëndë, është shfaqur mjaft gjakftohtë para trupës gjyqësore dhe nuk ka shfaqur pendesë. Babai i 18-vjeçarit ka qendruar gjatë gjithë kohës kokëulur dhe pa folur.
Gjykata u rrethua nga forca të shumta policie pasi nëna e viktimës Fabio Hila deklaroi publikisht se do të hakmerrej ndaj vrasësit të djalit të vetëm të saj në rast se ai do të lirohej nga gjykata si minoren apo si i sëmurë mendor
Ngjarja ndodhi pasditen e së martës në një lokal në Pogradec. Aty Fbjani qëlloi për vdkje me kallashnikov 17-vjeçarin. Sherri mes tyre kishte lindur në Facebook, ku kishin shkruar mesazhe fyese e kërcënuese me njëri tjetrin për një vajzë.
Sipas 17-vjecarit, ka qenë vetë viktima Hila që i ka kërkuar të takoheshin, i ka treguar vendndodhjen dhe i ka dhënë edhe numrin e celularit. Pas këtij momenti, 17 vjeçari ka shkuar në lokal, ka qëlluar fillimisht në ajër me armë zjarri ndërsa bashkëmmoshatari u fsheh poshtë banakut për të shpëtuar, por Muçollari e ka qëlluar me plumb në zemër. /Gazeta Express/
