Zbulohet fytyra e vërtetë klanit mafioz
“Përgjimet janë publikuar me të vetmin qëllim, për të mundur që të shpëtojë urën e vet Hashim Thaçi, Kadri Veseli dhe Xhavit Haliti, sepse këta të tre kanë bërë një listë, e cila iu është dërguar Prokurorisë Speciale, për eliminim. Dhe kësaj liste do t’i paraprijë Adem Grabovci, Shaip Muja dhe disa ushtarakë që kanë udhëhequr në zona operative. Ky është qëllimi i këtij klani mafioz që vetë ti shpëtojnë Gjykatës Speciale”, ka thënë analisti Gazmend Islami. Zyrtarët e apostrofuar nga Islami, nuk kanë denjuar të kthejnë përgjigje, në pyetjet e gazetës “Bota Sot”.
Analistët politik vlerësojnë, se publikimi i aferave të fundit të udhëheqësve shtetërorë në Kosovë janë dokumentim i gjendjes mentale të kreut t? shtetit ku shihet se kapaciteti i tyre njerëzor intelektual kombëtar dhe shtetëror është barazi me zero. Sipas tyre, prokuroria do të duhet të marrë masa dhe të hetojë zgjedhjen e tyre, kriteriumet me të cilët janë zgjedhur, shkollimi adekuat, përvoja e punës dhe të gjitha parametrat që duhet të plotësohen në këta vende të punës të përmendura. Formimi i një Prokurorie Speciale do të ishte një zgjidhje për të zbardhur të gjithë të vërtetën për emërimet edhe të gjykatësve dhe prokurorëve. Imer Mushkolaj analist politik ka thënë, se ky rezultat i kapjes së shtetit në të gjitha poret e tij është rezultat i keq qeverisjes së “Klanit Pronto”. Ai ka thënë, se njerëzit që e kanë udhëhequr dhe e udhëheqin shtetin e konsiderojnë atë pronë private, me të cilën mund të bëjnë çfarë të duan, e kurrsesi pronë të qytetarëve që duhet ta menaxhojnë mirë. “Qeverisja “Pronto” ka bërë që njerëzve në këtë shtet t’iu humbet shpresa për të ardhmen, ngase ata nuk munden as ta gjejnë një vend pune, po që se nuk janë pjesë a partisë-shtet, po që se nuk janë militantë partiakë”, ka thënë Mushkolaj.
Gazmend Islami analist politik, ka thënë se vet ardhja në pushte i këtij klani “ Pronto” është shkatërrimi i Kosovës. Ai ka thënë se sa më shumë që zbulohen detaje rreth udhëheqjes së shtetit, tregojnë fytyrën e vërtet të këtij klani mafioz, i cili jo vetëm që është marrë me grabitje e vjedhje, edhe me vrasje e eliminime vetëm për të arritur qëllimet e veta për përfitime personale.“ Përgjimet janë publikuar me të vetmin qëllim, për të mundur që të shpëtojë urën e vet Hashim Thaçi, Kadri Veseli dhe Xhavit Haliti, sepse këta të tre kanë bërë një listë, e cila iu është dërguar Prokurorisë Speciale, për eliminim. Dhe kësaj liste do t’i paraprijë Adem Grabovci, Shaip Muja dhe disa ushtarakë që kanë udhëhequr në zona operative. Ky është qëllimi i këtij klani mafioz që vetë ti shpëtojnë Gjykatës Speciale”, ka thënë Islami.
