Të shtunën do të shkruhet historia në Francë, sepse dy vëllezër do të luajnë për herë të parë si kundërshtarë në një Kampionat Europian
Fjala është për Granit e Taulant Xhakën, të cilët të shtunën përballen me njëri tjetrin kur të takohen nga ora 15:00 Shqipëria e Zvicra.
Vëllezër që në Europian do të mbrojnë ngjyrat e përfaqësuesve të ndryshme. Graniti do t’i mbrojë ngjyrat e Përfaqësueses së Zvicrës, derisa Taulanti të Kombëtares shqiptare. Pavarësisht se çfarë do të ndodhë në fushë, Graniti ka thënë se do të mbetet aty.
“Vellai im, ti dhe unë kemi qëndruar gjithmonë së bashku pavarësisht gjithçkaje. Nesër do të jetë hera e parë që takohemi në fushë si kundërshtar dhe shpresoj të jetë e fundit. Ne do ti tregojmë botës se edhe pse do të jemi kundërshtar për 90 minuta, ne do të qëndrojmë së bashku ashtu siç dinë vëllezërit. Një ndeshje nuk do të hyjë kurrë në mes nesh as si shokë e as si vëllezër. Të dëshirojë shëndet dhe fat për ndeshjen nesër, sepse ti je dhe gjithmonë do të jesh shembull për mua”, ka shkruar Xhaka në Facebook. /Express/
