Zëvendëskancelari gjerman, Sigmar Gabriel, ka paralajmëruar pasoja të rënda ekonomike dhe politike, nëse Britania del nga Bashkimi Evropian.
“Pozicioni është krejtësisht i qartë: dalja e Mbretërisë së Bashkuar nga Evropa paraqet problem të madh, jo vetëm për ekonominë e Gjermanisë, por të të gjithë Evropës”, ka thënë Gabriel.
Më 23 qershor, në Britani mbahet referendumi, i cili do të përcaktojë të ardhmen e këtij vendi në BE.
Gabriel ka thënë se me daljen eventuale të Britanisë, besimi në BE do të bie, transmeton rel.
“Përveç aspektit ekonomik, duhet të pyesim veten se cili do të jetë mendimi i botës për Evropën. Evropa do të merret më pak seriozisht”, ka thënë ai.
Sqarim:
Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!
© infosot.com
