Numri i veteranëve pas verifikimit nga Komisioni qeveritar ka dalur të jetë 46 mijë e 230. Kjo u bë e ditur sot në mbledhjen e Qeverisë, me ç’rast edhe u miratua ky raport.
Kryeministri i Kosovës Isa Mustafa tha se ky numër ka tejkaluar parashikimet dhe se kjo çështje duhet të rregullohet në të ardhmen. Ndërsa, ministri i Punës dhe Mirëqenies Sociale, Arban Abrashi tha se bazuar në vendimin e Qeverisë, Komisioni Qeveritar ka përfunduar punën për verifikimin e veteranëve dhe se numri i përgjithshëm është 46 mijë e 230./GazetaTribuna/
