Nënkryetari i Lëvizjes Vetëvendosje Driton Çaushi ka shprehur keqardhje për zhgënjimin ndaj qytetarëve që ishin të gatshëm për protesten e nesërme.
Çaushi, nëpërmjet një postimi në rrjetin social “Facebook”, tha se asgjë nuk mund të ndryshojë vendosshmërinë e “Lëvizjes Vetëvendosje”.
Postimi i plotë:
Asgjë nuk mund ndryshojë vendosmërinë e Lëvizjes VETËVENDOSJE! për të ndalur të keqen.
Ashtu siq kemi rezistuar për shtatë muaj me radhë, të përballur me dhunën e regjimit e me mbi pesë vite burg të mbajtura nga aktivistët tanë, do vazhdojmë deri në rënjen e këtij pushteti antikushtetues.
Shprehim keqardhjen e sinqertë për të gjithë qytetarët e gatshëm për protestën e nesërme, duke i siguruar ata që secili vendim, duke përfshirë atë për shtyerjen e protestës, do të bëhet gjithnjë në funksion të fuqizimit të kundërshtimit tonë.