Në vend që “demokratet” e rinj serb ta shfrytëzonin dënimin për gjenocid të Karaxhiqit për t’u penduar për gjenocidin e programuar të politikës serbe ndaj jo serbëve në hapësirat e ish Jugosllavisë, për t’u penduar ai gjykim për të kërkuar falje boshnjakëve, kroatëve e shqiptare, Vuiçqi kërcënon këdo që guxon t’ju thotë krimineleve si Karaxhiqi, se i kanë “sytë e zi”.
Kështu është shprehur ish kreu i Kuvendit të Kosovës, Jakup Krasniqi, në një artikull atij dërguar mediave.
“Vuçiq-i kërcënoi kur tha: “S`lejojmë që gjykimi i Karaxhiqit të përdoret për sulme ndaj Republika Srpskës.” Sigurisht që Vuçiqi edhe s’mund të thoshte ndryshe, pasi ai aso kohe ishte, mbronte dhe ekzekutonte të njëjtën politikë të programuar të gjenocidit serb, për çka u dënua Karaxhiqi”, ka shkruar Krasniqi.
“Konsideroj që kërcënimin e Vuciqit duhet ta marrin seriozisht ata që po i besojnë reformimit të tij, se ai do ta shkëpus Serbinë nga kthetrat e fashizmit serb, e ta fus atë në rrugën e demokracisë e të integrimeve euroatlantike. E pranoj që ne shqiptarët jemi të vegjël t’i mësojmë të tjerët. Po të flasim me ketë gjuhë as Skënderbeu nuk do të behej hero i Evropës apo Nënë Tereza, nuk do të bëhej Nënë e varfanjakëve të Botës. As Rilindësit nuk do ta shkëpusnin kombin nga lindja despotike. Ata u bënë të tillë, se ecën rrugës së bindjeve të tyre. Edhe Adem Jashari, Komandanti Legjendar, nuk do të bëhej simbol i çlirimit, i masivizimit e i çlirimit, sikur mos t’i besonte, bindjes dhe idealit të tij çlirimtar”, ka thënë më tej Krasniqi.
Krasniqi ka thënë se i po i sjell këta shembuj, “për t’ju treguar Kryeministrave tanë, që në Bruksel biseduan me Daiçqin e Vuiçqin, se inferioriteti e gjunjëzimi para nxënësve të Millosheviqit e të Sheshelit, nuk i bënë të denjë as për miqtë e as për popullin që i përkasin”.
“Këta tanët duhet ta kuptojnë, se në Bruksel kanë bërë marrëveshje të dëmshme për shtetin e kombin dhe duhet të dorëhiqen për t’i dhënë vendit zgjidhje. Ketë zgjidhje ata duhet t’ua ofrojnë qytetarëve të Republikës!”, ka thënë Krasniqi.
