Shkruan: Shkëlqim Ajdini, gazetar
Sulmet terroriste në Bruksel vetëm se vêrtetuan vazhdën e agresionit të egër të njerëzve me karakteristika animale negative. Është fyese që kjo kategori të quhen njerëz, qoftë edhe kushtimisht.
Përdorimi i fesê si argument për tê bërë krime të këtij lloji është një veprim i rrezikshëm që ndjellë pasoja të mëdha. Ani pse feja nuk ka të bëjë me veprime të tilla, njerëz të kamufluar nën petkun fetar kanë lënë shenjat e tyre në “argumentimin” e këtyre sulmeve. Këta njerzë të kamufluar fetarisht, që shpesh rastisin të jenë madje edhe predikues, kanë kontribuar mjaftueshëm që një kategori e njerëzve nëse nuk bëjnë veprime të tilla, së paku nuk ndjejnë keqardhje kur shohin këso skenash, në emër të “fetarizmit” të tyre. Dëmet që kanë sjellur këta “predikues” janë të pariparueshme dhe kanë pasoja afatgjate negative.
Kosova rrugëtimin e saj e ka përcaktuar tanimë, drejt Europës së bashkuar, dhe nuk mund të ndryshohet ky rrugëtim, qoftë edhe nëse kemi kategori të konsiderueshme që mendojnë ndryshe.
Shteti i Kosovës duhet të ndërhyjë njëherë e përgjithmonë në institucionalizimin e Bashkësisë Islame të Kosovës. Kjo, për arsye se, vetêm kështu mund të evtiohen predikimet ndjellakeqe dhe të ruhet Islami tradicional ti kosovarëve. Përndryshe, nëse vazhdon kështu, Kosova rrezikon të ketë prijësit fetarë ndryshe nga tradita. Bashkësia Islame e Kosovës është e pafuqishme dhe e pafajshme ta ruan e vetme këtë traditë.
