Partia Demokratike e Serbisë (DSS) dhe lëvizja Dveri (Portat) kanë vlerësuar sot se drejtori i Zyrës për Kosovën në Qeverinë e Serbisë Marko Gjuriq me deklaratën se “është obligim yni të bisedojmë e të luftojmë për të drejta më të mëdha kolektive të serbëve në Kosovë”, ka njoftuar qytetarët se Qeveria aktuale e serbët në Kosovë i trajton pakicë kombëtare në shet të huaj.
“Me këtë, kryetari i Qeverisë sonë Aleksandar Vuçiq i cili fjalët “Kosovë e Metohi” i ka hequr nga fjalori i vet, përmes gojës së Marko Gjuriqit ka njoftuar se do të vazhdojë të japë kontributin e vet të plotë në procesin e njohjes së plotë ndërkombëtare të pavarësisë së Kosovës”, citohet kumtesa e DSS dhe e Dverit nga Novosti, transmeton Koha.net.
Në kumtesë është shtuar se Vuçiq serbët në Kosovë “tashmë po i trajton si pjesë të popullit serb në diasporë”, e Gjuriq, me deklaratën e vet, “ua ka marrë të drejtën të gjithëve, që nga kryetari i Qeverisë e tutje, të vazhdojnë për t’i mashtruar qytetarët me deklaratat se kurrë nuk do ta njohim pavarësinë e Kosovës”.
