Shefi i grupit parlamentar të Partisë Demokratike të Kosovës, Adem Grabovci ka thënë se përkundër ndasive që partia e tij dhe partia e ish partiakut të tij, Fatmir Limajt, NISMA në PDK ende janë dyert e hapura për këtë parti.
“Kthimi i secilit anëtar në PDK do të na gëzonte dhe nuk përjashtohet mundësia që PDK dhe NISMA të bashkëpunojmë së bashku në atë ardhmen”, citohet të ketë thënë Grabovci për Tribuna Channel.
Grabovci ka thënë se bashkë me Limajn dhe Jakup Krasniqin kanë kaluar shumë procese së bashku.
“Kemi kaluar një kohë jashtëzakonisht të gjatë së bashku dhe kemi pasur një bashkëpunim shumë korrekt. Jemi përballur me procese të vështira dhe kemi dalë triumfues dhe kemi bërë një rrugë të gjatë bashkërisht. Por në kushte të demokracisë gjithkush ka të drejtë të zgjedh rrugën e vet”, ka thënë Grabovci.
