Skena si në filma të “Hollywood-it” i përshkruan ato që kanë ndodhur natën e mbrëmshme mediumi zviceran “Blick”. Kjo e fundit e ka përshkruar ngjarjen ndër të tjera, me fjalët “Kosovari kundër kosovarit”.

Pak para orës 4:00 të mëngjesit kosovari që po udhëtonte me makinën e tij plagosi më armë zjarri një person tjetër e që poashtu dyshohet se është shtetas i Kosovës.

I plagosuri kishte arritur të largohet nga vendi i ngjarjes, mirëpo pas pak minutash në mes të autostradës vetura e tij kishte filluar të përfshihet nga flakët.

Policia zvicerane ka njoftuar se i plagosuri kishte njoftuar organet e rendit dhe se kishte pësuar edhe disa lëndime trupore. Pak kohë më pas policia kishte arritur të arrestonte edhe autorin.

Një patrullë e policisë i kishte rënë në gjurmë kosovarit dhe në veturën e tipit Audi është gjetur edhe një revole. Organet e rendit njoftojnë se kosovari tashmë është në arrest dhe se ai ishte me banim permanent në kantonin e Cyrihut.

Rrethanat e sakta të kësaj ngjarje ende nuk dihen. Policia zviceran njofton se tashmë kanë nisur hetimet për tentim vrasje dhe rrezik të jetës ndaj kosovarit. /Zëri/