Kohë më parë familja Ndrecaj ka publikuar një sms, që Mirsad Ndrecaj, i vrarë gjatë konfliktit në Kumanovë majin e shkuar dhe i njohur gjatë luftës si Komandant NATO, i kishte dërguar kryetarit të BDI-së, Ali Ahmeti.
Ditën kur ishin bërë 3 muaj nga konflikti i Lagjjes së Trimave, “Lajm” kishte vizituar familjen Ndrecaj.
Vëllai i Mirsadit, Ylberi, i kishte treguar mesazhin e fundit që ai i kishte dërguar kryetarit të BDI-së Ali Ahmeti, disa muaj para konfliktit të Kumanovës.
“Ali Ahmeti, dy herë populli shqiptar ka gabu: njëherë kur ka ardh Agim Qeku në Kosovë dhe njëherë kur ka ardh Ali Ahmeti në Maqedoni. Therra kur të mjeket nga gishti nuk ka më vend aty. Nuk lejon ma populli parashutista e vrastar. Shpejt ka me ta pa edhe populli fytyrën e vërtetë që ta njohim ne. Inskenimeve tua për të ndejt në pushtet duke persekutu shqiptarët tani ju ka dal era. Mirsad Ndrecaj Komandant Nato”, shkruante Mirsadi në mesazhin e fundit dërguar kryetarit të BDI-së.
