Sot rreth orës 11 e 30 ka ndodhur një kacafytje në mes punëtorëve të Postës së Kosovës dhe atyre të Western Union.
Ngjarja ka ndodhur brenda Stacionit të Autobusëve në Prishtinë.
Burime të ORAinfo bëjnë të ditur se kacafytja ka ndodhur pasi që të dyja këto kompani vendosin punëtorët e tyre tek hyrja e Ministrisë së Infrastrukturës-Njësia e Patentë Shoferëve për t’i imponuar qytetarëve ku të kryejnë shërbimin e pagesave.
Burime të ORAinfo bëjën të ditur se për veprime të tilla është hapur edhe një rast në Prokurorin e Shtetit, por këto organe akoma nuk kanë marr ndonjë veprim në lidhje me këtë dukuri dhe se dukuri të tilla ndodhin pothuajse në të gjitha Qendrat e Regjistrimit të Automjeteve dhe Regjistrimit Civil ku tani Posta ka filluar të operoj me shërbimet e pagesave.
E.H. emër i njohur për redaksinë ka thënë se derisa ishte duke kryer disa pagesa për regjistrimin e automjetit të tij, një punëtor në emër të Postës kishte kërkuar nga ai që të kryej pagesën në Postë edhe pse shërbimet e njëjta kryheshin edhe jashtë madje me provizione edhe më të lira.
