Luis Enrique është shprehur optimst për kalimin në çerekfinale të Ligës së Kampionëve. -Trajneri i Barcelonës megjithatë e vlerësoi të rrezikshëm Arsenalin, në konferencën për shtyp para ndeshjes.
“Loja ynë nuk do të ndryshojë, edhe pse e kemi fituar ndeshjen e parë. Ne futemi në fushë gjithmonë për të fituar”, deklaroi Enrique para gazetarëve, përcjellë “Lajmi.net”.
“Arsenali i Wengerit është një skuadër shumë e rrezikshme me lojë të fortë në ajër, ku i kanë Giroud dhe Welbeck. Duhet të jemi në gjendje t’i ndalim”, vazhdoi Enrique.
“Penalltitë? Nuk më brengosin, jam i bindur që golat do të vijnë. Për fat të mirë ato nuk na kanë kushtuar në pikë. Unë iu besoj shumë futbollistëve të mi”, përfundoi trajneri i katalunasve.
Sqarim:
Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!
© infosot.com
