Nervozimi i treguar menjëherë sapo ka parë patrullën, i ka vënë në dyshim policët italianë të cilët janë “detyruar” t’i bëjnë kontroll makinës së një shqiptari.
Por janë “surprizuar” kur në një çantë në bagazhin e automjetit kanë gjetur 32 kilogramë marijuanë të ndarë në 20 pako. Efektivët vunë në pranga 54-vjeçarin shqiptar me inicialet E.K në qytezën e Tarantos në Itali.
Shqiptari po udhëtonte me makinë me shpejtësi tej normave të lejuara, e sapo është ndaluar nga policia për këtë shkelje është shfaqur tepër nervoz, duke i lënë aq dyshime punonjësve të policisë për ta kontrolluar.
