Leicester City është befasia më e madhe e këtij sezoni në futbollin evropian.
Skuadra e menaxherit Claudio Ranieri është shndërruar nga kandidati për mbijetesë në Premierligë, në konkurrent për titull të kampionit.
Por, befasia edhe më e madhe është se Leicester City kryeson në tabelë edhe pse është skuadra e tretë me përqindjen më të vogël të posedimit të topit në Premierligë.
Po ashtu, “Foxes” po ashtu janë ekipi i dytë me përqindjen më të dobët të pasimeve të sakta.
Mirëpo, përkundër kësaj ekipi i Ranierit është vetëm nëntë xhiro larg titullit të kampionit në Premierligë ku aktualisht kanë pesë pikë epërsi ndaj përcjellësit të parë, Tottenham.
Derisa Arsenal, Tottenham, Manchester City e të tjerët dominojnë me posedim, Leicester City është lider në tabelë.
Ekipi po ashtu ka bilanc më të mirë në ndeshjet si mysafir, ku ka grumbulluar 31 pikë, për dallim nga duelet si nikoqir, 29.
Në xhiron e ardhshme, Leicester City do të jetë nikoqir i Newcastle United.
