Barcelona ka mposhtur si mysafirë Rayo Vallecanon për t’u shkëputur në tabelë nga Atletico Madridi dhe Real Madridi. Me fitoren 5:1 ndaj Rayo Vallecanos, Barcelona ka shkuar në 35 ndeshje pa humbje, duke thyer kështu rekordin 28 vjeçar të Real Madridit
Barcelona e Luis Enriques nuk ka të ndalur. Në javën e 27’të në La Liga, katalunasit e kanë mposhtur si mysafirë Rayo Vallecanon me rezultat 5:1.
Rayo ishte e pamposhtur në La Liga në shtatë ndeshjet e fundit, prej të cilave kishin vetëm dy fitore, por Barcelona ia ndali këtë seri pozitive.
Golat për katalunasit i shënuan Ivan Rakitic, Arda Turan dhe tre të tjera Lionel Messi. Derisa katalunasit mund të kishin shënuar edhe më shumë nëse Suarez do të ishte treguar më i saktë nga pika e bardh në minutën e 69’të. Golin e nderit për vendasit e shënoi Manucho.
Pas kësaj fitoreje, Barcelona ka quar në 35 numrin e ndeshjeve pa humbje, duke thyer kështu rekordin 28 vjeçar të Real Madridit që kishte 34 ndeshje pa humbje në të gjitha garat.
Pas kësaj fitoreje, Barcelona shkëputet sërish në tetë pikë nga Atletico Madridi, 12 pikë nga Reali. /Express/
https://www.youtube.com/watch?v=6shgRGX0ejA
