Për deputetin e Lidhjes Demokratike të Kosovës, Arben Gashin, Presidenti Hashim Thaçi do të jetë një President i izoluar.
Gashi ka thënë në Info Magazine të Klan Kosovës se “Thaçi do të jetë President ashtu siç ishte kryeministër dhe ministër i Jashtëm. Jashtë është një figurë jo shumë e pranueshme, mbi të rëndojnë edhe akuzat e Dick Martyt. Brenda është një figurë shumë parciale dhe e ngurtë”.
“Ai i mbledh të tjerët kundër vetes”, tha Gashi.
Gashi ka folur edhe për të ardhmen e partisë dhe ndikimit që ka pasur koalicioni me PDK-në.
“E ardhmja e LDK-së është ajo që duhet debatohet gjerë, LDK-ja duhet të mendojë thellë për të ardhmen e vetë politike, reformimit të thellë”, mirëpo “e ardhmja e LDK-së është në pikëpyetje për shkak të koalicionit me PDK-në dhe pakënaqësisë që ka shkaktuar në elektorat”.
“LDK-së i duhet një rikonstruktim i thellë në aspektin kadrovik”.
/Klan Kosova/
