Një shqiptar është vënë në prangat e policisë greke pasi është kapur me 200 kilogramë lëndë narkotike. Gjatë ditës së djeshme u bë arrestimi i një 40- vjeçari shqiptar në Konicë, i cili po transportonte me makinën e tij 200 kilogramë kanabis sativa, të cilën e kishte të ndarë në 131 pako.
Mësohet se lënda narkotike ishte fshehur në sediljet e pasme të makinës dhe dyshohet se kishte dalë nga Shqipëria, ku destinacioni final do të ishte Athina.
Ndërkohë një tjetër shqiptar, i cili është pronari i makinës ku u gjet lënda narkotike është shpallur në kërkim.
Sqarim:
Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!
© infosot.com
