Gjykata Themelore e Prishtinës ka lëshuar fletarrest për kryetarin e Lëvizjes Vetëvendosje, Visar Ymeri.
(I plotesuar)
Gjyqtari i Gjykatës Themelore të Prishtinës Vesel Ismajli ka lëshuar fletarrest për Visar Ymerin, i cili asnjëherë nuk është përgjigjur në seancat në lidhje me rrahjen që kishte ndodhur më 28 qershor të vitit 2012 në hollin e Kuvendit të Kosovës.
Këtë e ka konfirmuar për KosovaPress kryetari i Gjykatës Themelore Hamdi Ibrahimi. Pa dhënë shumë detaje Ibrahimi tha se nga gjyqtari Ismajli ka kuptuar se është lëshuar një fletë arrest, mirëpo siç tha ai nesër duhet shikuar nëse ai fletarrest është bërë në bazë të Ligjit.
Ibrahimi nuk sqaroi shumë përveç se la të kuptohet se fletarresti për Ymerin nuk është bërë në përputhje me Kodin e Procedurës Penale.
…
Fletarrestin për Ymerin e ka konfirmuar për media gjykatësi Vesel Ismajli, ndërkohë për lajmi.net, ai nuk e ka mohuar as pohuar një gjë të tillë.
“Veç unë e di a e kam lëshua a jo”, ka thënë Ismajli duke qeshur. Ai ka thënë se për një gjë të tillë duhet të kontaktohet zëdhënësja e gjykatës, Mirëlinda Gashi. Kjo e fundit deklaron se nuk e ka në kompetencë të flas për urdhër arrestet, raporton lajmi.net
Këtë lajm nuk e ka konfirmuar as kryetari i Gjykatës Themelore të Prishtinës, Hamdi Ibrahimi.
“Deri në ora 16:00 nuk më ka ardhë asnjë njoftim për këtë fletarrest”, ka deklaruar Ibrahimi.
Ndërkohë, Adonis Tahiri nga Zyra për Informim në Vetëvendosje nuk di asgjë në lidhje me rastin.
Dyshohet se fletarresti është lëshuar për rastin e rrahjes ndërmjet deputetëve të VV-së Visar Ymeri, Rexhep Selimi dhe Florin Krasniqi, me deputetin e PDK-së Bekim Haxhiu. Kjo për arsye se pothuajse të gjitha seancat për këtë rast kanë dështuar për shkak të mungesës së të akuzuarve. /lajmi.net
