Ronaldo fenomeni ka zbarkuar në Milano dhe të shtunën do të jetë në San Siro për të parë Inter -Sampdoria, ashtu si dhe Mourinho. Interistët padyshim nuk e kanë harruar, për ta mbetet një idhull pavarësisht eksperiencës së shkurtër në fund të karrierës me Milanin dhe duket se dhe Interi ka mbetur në zemrën e fenomenit.
“Interi nuk ka humbur kurrë Morattin dhe e tregon fakti që edhe tani është aksioner i klubit, duke i qëndruar pranë presidencës dhe Mancinit. Shpresoj ta takoj do ta përqafojë me gjithë qejf. Kam parë që zikaltërit patën një fillim të shkëlqyer të sezonit, tani patën një rënie por do të ringrihen. Titulli? Do të jetë një luftë deri në fund, por Juve mund të mbështetet te lojtari më i mirë italian, Buffon.”
Ronaldo rezervoi fjalë të mira për Mirandën ndërkohë që ju përgjigj edhe nëse do të ketë një të ardhme zikaltër për të.
“Dicka të tilllë e përjashtoj por jo për Interin që e kam në zemër dhe u uroj gjithë të mirat. Puna është që nuk mund të përfshihem në asnjë klub pasi kam shumë impenjime që më cojnë rreth e qark botës. Unë nuk do të bëj kurrë trajnerin”.
Ronaldo zgjedh trashëgimtarin, është Neymar ndërkohë që nuk mund të japë një emër të vetëm kur pyetet se cili është qendërsulmuesi më i mirë në qarkullin.
“Nuk mund të them një por tre, Lewandowski, Suarez dhe Benzema, këta të tre janë pothuajse të barabartë. Lojtari që më ngjason më tepër është padyshim Neymar. Me ngjason shumë. Pati një përiudhë të nevojshme për ambientimin kur arriti te Barcelona por isha i sigurt se klasi i tij do të dilte në pah. Besoj se mund të arrijë Messin nuk i mungon absolutisht asgjë, mund të jetë protagonisti i Selecaos për vitet e ardhshëm”.
