Roberto Mancini thyen heshtjen pas humbjes 1-2 me Fiorentinën në “Artemio Franchi”. Në intervistën dhënë për “Inter Channel”, 51-vjecari kërkon t’u japë kurajë futbollistëve të tij.
“Me Fiorentinën zhvilluam një ndeshje të mirë, përvec fillimit të saj. Është një moment delikat, duhet të mbahemi fort dhe të mos heqim dorë nga objektivat. Deri në dhjetor gjithcka po shkonte mirë, por tani duhet të kalojmë momente të vështira.”
Mancini ka një mesazh edhe për tifozët, të cilët nuk e prisnin këtë rënie të menjëhershme të skuadrës.
“Neve nuk na ka munguar kurrë mbështetja e tifozëve, duhet të jemi të fortë dhe të ringrihemi. Është e qartë se kur humbet, mbështetësit e Interit zhgënjehen dhe zemërohen.”
Mancini foli edhe për vendimin e klubit për ta grumbulluar skuadrën para ndeshjes me Sampdorian.
Do të qëndrojmë në “Apiani Gentile” që të kemi mundësi për të punuar në qetësi, pa e patur mendjen se cfarë ndodh dhe cfarë thuhet jashët qendrës sonë stërvitore.
