Dje Tirana u vizitua nga Sekretari Amerikan i Shtetit, John Kerry, i cili qëndroi në vendin tonë perreth 4 orë.
Sipas vete John Kerry-t, ka patur një diskutim të gjithanshëm me kryeministrin Edi Rama dhe ministrin e jashtem Ditmir Bushati, duke nisur nga çështjet e rajonit, të sigurisë dhe ISIS, ekonominë dhe integrimin në BE, por për asnjë cast nuk u fol për Maqedoninë dhe situatën politike atje, raporton Portali Albeu.
Vendi fqinj, Maqedonia, po kalon momente aspak të mira, teksa është përfshirë në një ngërc të fortë politik, ndërsa nuk kanë munguar as akuzat për përfshirje në afera korruptive dhe kriminale të zyrtarëve të saj të lartë. Të gjitha këto venë në pikëpyetje edhe mbarëvajtjen e zgjedhjeve të parakohshme më 24 prill.
Madje, Shkupi është akuzuar jo pak herë për një ftohje me Perëndimin dhe afrim me Moskën, shkruan Albeu.com.
I vetmi që foli për Maqedoninë ishte kryeministri Edi Rama, i cili pas takimit me Kerry-n u shpreh se, vendi fqinj duhet të zbatojë me përpikmëri Marreveshjen e Ohrit si të vetmen rrugë për tu anëtarësuar në BE dhe NATO.
Pse ky injorim nga ana e Sekretarit Amerikan të Shtetit ndaj Maqedonisë? Pse zyrtarë të lartë të Washingtonit nuk e vizitojnë Shkupin, në një kohë qe kanë vizituar thuajse cdo vend të rajonit, përfshirë edhe Kosovën?
