Siria ka dënuar veprimet ushtarake turke kundër luftëtarëve kurdë në veri të Sirisë duke e përshkuar atë si një shkelje të sovranitetit të saj.
Ky vend i bëri thirrje Këshillit të Sigurimit të OKB-së për të ndërmarrë veprime rreth kësaj çështjeje.
Për dy ditë radhazi Turqia ka kryer bombardime kundër forcave kurde në qytetin Aleppo.
Ankaraja e sheh milicinë kurde në Siri, si aleate të Partisë së Punëtorëve të Kurdistanit , e cila ka kryer një fushatë të gjatë me dekada për autonomi nga Turqia.
Por Shtetet e Bashkuara dhe të tjerët mbështesin milicinë kurde YPG në Siri, në luftën e saj kundër të ashtuquajturit Shtet Islamik, raporton BBC, përcjellë Klan Kosova.
Siria e ka akuzuar Turqinë për shkeljen e sovranitetit, duke thënë se Turqia po i mbështet “terroristët e lidhur me Al-Kaidën” dhe njëherit ka paralajmëruar se e kanë të drejtën që të përgjigjen.
Sqarim:
Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!
© infosot.com
