Barcelona nuk ka të ndalur. Skuadra e Luis Enriques ka “shkelur” Celta Vigon me rezultat 6 me 1 në xhiron e 24-të në La Ligë.
Katalunasit nisën serinë e golave përmes Leo Messit që shënoi në minutën e 28-të, por që Celta Vigo befasoi të gjithë duke barazuar rezultatin 11 minuta më vonë përmes Guidettit.
Në pjesën e dytë, skena ishte për Luis Suarezin, që shënoi tre herë dhe asistoi në golin e parafundit.
Uruguaiani shfrytëzoi asistimin e Messit në minutë ne 59-të për të kthyer epërsinë e Barçës. Në minutën e 75-të ai realizoi për 3 me 1 pas asistimit të Neymarit, ndërsa shtatë minuta më vonë një tjetër asistim i Messit për të mjaftoi që Barça të arrinte “pokerin”.
Në minutën e 84-të Suarez asistoi për Rakitiqin që shënoi për rezultatin 5 me 1, ndërsa Neymar u përkujdes që në minutën e parë shtesë të realizonte për rezultatin përfundimtar.
Barcelona tani shmanget sërish në tabelë. Kampioni ka grumbulluar 57 pikë me 23 ndeshje të zhvilluar dhe lë prapa Atleticon që ka 54 dhe Realin me 53. Të dy skuadrat madrilene kanë nga një ndeshje më shumë të zhvilluar.
