Serbia pret nga Brukseli t’i bëjë presion Prishtinës për formimin e Asociacionit të komunave serbe, derisa autoritetet e Kosovës janë duke kërkuar sërish të zgjasin afatet, shkruan e përditshmja serbe Novosti.
Nëse Brukseli dhe Uashingtoni, nuk i shfrytëzojnë gjitha kapacitetet e tyre për të ndikuar tek Prishtina që përfundimisht të miratojë dekretin për formimin e AKS-së, Beogradi duhet të mendojë për kundërmasa, dhe për atë se si duhet të veprojë gjatë vazhdimit të dialogut, transmeton Telegrafi.
Duke komentuar raundin e së martës të bisedimeve midis Beogradit dhe Prishtinës, pas të cilave janë dëgjuar interpretime të ndryshme të afateve në të cilat duhet të miratohet Statuti për AKS-në, Drecun, ka deklaruar se Isa Mustafa ndoshta përsëri do të përpiqet të bëjë “tregti” me BE-në.
“Kështu ka ndodhur edhe në rastin, kur Kosova është dashur të nënshkruaj marrëveshjen e Stabilizim Asociimit. Është duke u shfrytëzuar çdo situatë që të shtyhet pafundësisht formimi i AKS-së, derisa Prishtina të fitoj diçka. Federica Mogherini, ka bërë të qartë se Prishtina duhet të përmbushë detyrimet e saj sipas marrëveshjes, dhe nëse nuk e bën një gjë të tillë, do të vihet në pikëpyetje fuqia e Brukselit”, ka shtuar Drecun. /Telegrafi/
