Kryetari i Kuvendit të Kosovës, ka përshëndetur vendimin e Parlamentit Evropian për ratifikimin e MSA’së për Kosovën. Veseli në një status në Facebook ka thënë se kjo është është një fitore e madhe politike për Kosovën.
“Ratifikimi i sotëm i Marrëveshjes për Stabilizim dhe Asociim, të Kosovës me BE-në, nga ana e Parlamentit Evropian, me një shumicë absolute votash, është një fitore e madhe politike për Kosovën.
Një përkrahje e tillë e fuqishme, është shprehje e besimit evropian në kapacitetet e Kosovës për të përmbushur aspiratën e qytetarëve tanë, për të qenë pjesë e familjes së madhe evropiane”, ka shkruar Veseli.
