Marrëdhëniet e tensionuara mes Shqipërisë dhe Serbisë, si dhe deklaratat ndaj palëve politike duket se i përkasin një kohe të shkuar.
Gjatë pjesëmarrjes së tij në takimin tripalësh në Tiranë, Shqipëri- Itali- Serbi, Minsitri i Jashtëm Serb, Ivica Dacic, u shpreh për një zbutje të marrëdhënieve politike, duke shmangur mungesën e stabilitetit politik.
“T’i zbusim marrëdhëniet tona nga ana politike dhe do të vazhdojmë me përpjekjet tona. Në këtë kontekst, presim të zbatohen të gjitha projektet që kemi diskutuar gjatë takimit tonë, duke përfshirë këtu edhe zyrën për rininë dhe shkëmbimin e studentëve”.
“Ne vërtetë, do të donim që të gjitha dallimet që ekzistonin mes nesh, t’i lëmë pas, e të gjejmë një emërues të përbashkët. Të shmangim mugesën e stabiliteti politik”, u shpreh Dacic gjatë konferencës së përbashkët. / TCH
