Zllatan Ibrahimoviç njihet si një adhurues i Lionel Messit, me të cilin ka pasur fatin të luajë e stërvitet një sezon te Barcelona.
Edhe pas dhënies së çmimit “Topi i Artë” për vitin 2015, që shkoi për herë të pestë tek argjentinasi i Barcelonës, Ibra ka reaguar, duke bërë ironi me “Cr7”.
Ai ka shkruar në llogarinë personale, në Twitter, se “Ronaldo është njeriu më me fat në botë, pasi ka mundësi të ndjekë “live” momentin kur Messi fiton “Topin e Artë”. Cristiano fiton bileta VIP në ndarjen e çmimeve, për të pare Messin teksa i fiton ato.” Kujtojmë se Zllatan Ibrahimovic është i pari futbollist, që në 3 vjet e gjysmë ka shënuar 100 gola në “Ligue 1”.
