Përfundon pas vetem 6 muajsh aventura e Luiz Adriano te Milani. Sulmuesi brazilian nuk eshte grumbulluar per ndeshjen me Carpin, e vlefshme per cerekfinalet e Kupes. E ardhmja e futbollistit do te jete ne Kine , ndersa Milani per kartonin e tij do te marre nje shume prej rreth 15 milione eurosh.
Mund te konsiderohet nje dashuri qe nuk lulezoi kurre ajo mes klubit kuqezi dhe qendërsulmuesit brazilian, që u morr në verën e kaluar nga Shakhtar për 8 milionë euro. Ai dhe Carlos Bacca duhej të përbënin pikat e forta të Milanit të ri nën drejtimin e Mihjalovic, por pas golit ndaj Empolit në javën e dytë të kampionatit Luiz Adriano ka koleksionuar vetëm zhgënjime duke humbur vende në hierarikën e trajnerit pas rikthimit të Niang, edhe pse në Romë në ndeshjen e fundit të Milanit zbriti në fushë që nga minuta e parë. Luiz Adriano lë Milanin pas 3 golash me fanellën kuqezi dhe dy të tjerëve në Kupën e Italisë.
