Trajneri i Real Madridit, Zinedine Zidane është ndarë shumë i kënaqur me paraqitjen e ekipit të tij në fitoren e thellë prej 5 me 0 kundër Deportivo La Corunas, në veçanti të uellsianit Gareth Bale.
Karim Benzema shënoi dy herë, kurse Gareth Bale bëri një nga paraqitjet më të mira që nga transferimi i tij në Santiago Bernabeu, duke shënuar hetrik në ndeshjen e parë të Zinedine Zidane si trajner i Mbretërve, transmeton Koha.net.
“Ajo çka dua nga Bale është që të ndihmojë skuadrën në defanzivë kur nuk e kemi topin në pronësi. Dhe kur e kemi topin, dua që ai të luaj futboll të hapur. Jam shumë i lumtur me atë që ka bërë ai sot. Nuk është e lehtë të shënosh tre gola në një ndeshje. Shpresoj që të vazhdojë me kështu”, ka thënë Zidane pas takimit, raporton Goal.
