Shteti Islamik ka publikuar një video të re propaganduese në të cilën shihet luftëtarët nga vendet e ish Jugosllavisë dhe vendeve të rajonit. Ata thonë se Ballkani duhet të “mbrohet nga krishterët”.
Videoja e titulluar “Nderi është në xhihad” është publikuar përmes qendrës mediale të ISIS Al Hayat, derisa është publikuar në sajtin ekstremist boshnjak “Vijesti Ummeta”, transmeton Indeksonline.
Në xhirim “për vëllezërit nga Ballkani” me animacion dhe narracion në anglisht Ballkani përshkruhet si vend i betejave të mëdha dhe bjeshkëve të fuqishme, që duhet të jetë front i ri i mbrojtje nga “Evropa krishtere”.
Në xhirim paraqitet disa luftëtarë nga Bosnja, Al – Kosovi nga Kosova dhe Al – Albani nga Shqipëria, të cilët bëjnë thirrje për rrëzimin e pushtetit në Bosnjë dhe Hercegovinë, në mënyrë që të vendoset kalifati në Ballkan, transmeton Indeksonline.
Në këtë video më shumë flitet për Bosnjën, por aty paraqiten edhe Al Albani dhe Al Kosovi të cilët bëjnë thirrje për t’iu bashkuar ISIS-it.
Po ashtu aty shfaqet edhe një boshnjak që me familje jeton në njërin nga territoret e okupuar nga ISIS-it. Ndërsa, para shfaqjes së fjalimit të Al Kosovit (Ridvan Haqifi), fjalim ky që është publikuar para disa muajsh, shihet se si ai me të birin katër vjeçar argëtohen në park.
I lindur më 1990, Haqifi dhe vendlindje ka fshatin Bukovik të Gjilanit. Mediet kanë raportuar se Haqifi nga korriku i vitit të kaluar, ai ka zënë vendin Lavdrim Muhaxherit, si komandant i shqiptarëve në organizatën terroriste ISIS, që vepron në Siri e Irak.
Haqifi, me emrin e tij të ri prej xhihadisti “Al Kosovi”, së bashku me një tjetër shqiptar nga Leshnica e Pogradecit, Almir Daci, i cili tanimë ka marrë emrin e xhihadistit Abu Bilqis (Al Albani), janë paraqitur në videon 20-minutëshe.
Të dy duke folur në gjuhën shqipe, kanë thënë se po vijnë “ditë të zeza”, ndaj atyre që kanë nënçmuar myslimanët dhe Allahun, duke kërcënuar se duhet të “kenë frikë të punojnë në zyrat e tyre, do të tmerrohen e do të trishtohen në shtëpitë e tyre, edhe kur flenë”.
Para se të bëhet xhihadist, Haqifi ishte nxënës i Medresesë “Alaud-din”, dega në Gjilan, shkollë publike që menaxhohet nga Bashkësia Islame e Kosovës, BIK, ku më pas është bërë imam, deri në vitin 2012, kur edhe largohet nga Kosova për t’iu bashkuar grupeve terroriste në Siri. /Indeksonline/
