Përfaqësuesja e lartë e BE-së për politikë të jashtme dhe siguri, Federica Mogherini, në blogun e saj ka paraqitur 12 nga arritjet më të mëdha në vitin 2015, në mesin e të cilave ka përmend edhe arritjet mes Kosovës dhe Serbisë.
Ajo ka konstatuar se 2015-ta ka qetni një vit i vështirë dhe intensiv, por edhe vit i arritjeve të mëdha që BE dëshiron t’i vazhdojë edhe në vitin 2016.
“Këto arritje na kujtojnë se ka ende për t’u bërë dhe se diplomacia, multilaterizimi, këmbëngulja dhe optimizmi, mund të sjellë rezultate të mëdha”, ka thënë ajo, transmeton lajmi.net.
“2015-ta ka qenë një vit kur Kosova dhe Serbia nënshkruan numrin më të madh të marrëveshjeve në ndërmjetësim të BE-së”, tha Mogherini.
Bisedimet fituan një ritëm të ri, ka vlerësuar ajo, duke shtuar se ato do të vazhdojnë të jenë të vështira por se, siç shprehet, Prishtina e Beogradi kanë marr një hap historik të rëndësishëm në rrugën drejtë euro-integrimit.
“Kemi hapur kapitullin e parë në kuadër të bisedimeve me Serbinë, ndërsa Kosova ka nënshkruar MSA-në. Kjo është një arritje e madhe për Ballkanin por edhe për të gjithë evropianët”, ka thënë shefja diplomacisë evropiane.
