Sipas Institutit Hidrometorologjik të Kosovës, gjatë kësaj fundjave, pas një periudhe të gjatë kohore pa reshje, do të ketë reshje shiu dhe bore.
Ja parashikimi i plotë:
Pas një periudhe të gjatë kohore pa reshje më në fund vendi ynë gjatë vikendit, kryesisht gjatë natës së shtunës dhe ditës së diele do të përfshihet nga masat e ajrit me presion të ulët atmosferik të cilat do ta përfshijnë tërë territorin e Republikës së Kosovës.
Këto masa meqë janë të lagështa dhe vijnë nga drejtimet e ndryshme të Kontinentit, do të shoqërohen me vranësira të dendura dhe reshje shiu dhe bore.
Temperaturat minimale do të lëvizin nga -6 deri- 2 gradë Celsius, kurse maksimalet e ditës do të lëvizin nga 0-2 gradë Celsius.
Do të fryjë erë nga verilindja dhe më pas nga jugperendimi me shpejtësi 1-5m/s.
