Trajneri i Manchester Cityt, Manuel Pellegrini, ka treguar se kapiteni Vincent Kompany pritet të mungojë për një muaj pas një lëndimi të pësuar në pulpë.
Belgu kohëve të fundit ka vuajtur shumë nga lëndimet, ndërsa të fundit e pësoi në fitoren 4 me 1 ndaj Sunderlandit në xhiron e 18-të të Premier Ligës.
Pas takimit të sotëm me Leicesterin, në të cilin “Qytetarët” barazuan pa gola, Pellegrini ka thënë se Kompany do të mungojë tri ose katër javë.
“Lëndimi është në pulpën e njëjtë, por në një pjesë tjetër. Për të qenë i gatshëm duhen tri ose katër javë”, ka thënë ai.
City përfundon vitin 2015 në pozitën e tretë, me tri pikë prapa liderit, Arsenal.
Sqarim:
Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!
© infosot.com
