Boksierit britanik, Tyson Fury i cili mposhti në 12 raunde ukrainasin Wladimir Klitschko, i është hequr titulli IBF i peshave të rënda. Vendimi është marrë rreth dy javë pas suksesit të shtatlartit në Duuseldorf ku rrëzoi nga froni vëllain e vogël të familjes Klitschko, i cili mbretëronte që prej 11 vjetësh. Zyrtarët e IBF-së bëjnë me dije se vendimi është marrë pasi Fury ka evituar përballjen me sfidantin Vyacheslav Glazkov. Ishte vetë Fury që refuzoi përballjen me Glazkov pasi Klitschko kërkoi revanshin gjatë vitit të ardhshëm dhe britaniku u detyrua ta anulonte sfidën e parashikuar. Aktualisht, Fury mban gjerdanët WBO, WBA dhe IBO, ndërsa amerikani Deontay Ëilder është kampion i gjerdanit WBC. Në klauzolën e sfidës me Klitschkon ishte parashikuar një revansh kundër ukrainasit që vendosi të kërkojë një tjetër sfidë për të rimarrë kurorën e kampionit të opeshave të rënda. Në rast se Fury do ta refuzonte një gjë të tillë, atëherë ai mund të përballej me sanksionet financiare. Sfida e revanshit do të zhvillohet në vitin 2016 por nuk ka ende një datë zyrtare./ss/
